محمدالعابد عضو مميز
![محمدالعابد](https://2img.net/u/1811/28/39/52/avatars/23-62.jpg)
عدد المساهمات : 213 تاريخ التسجيل : 27/10/2011 العمر : 70 الموقع : http://kebar.arabfoot.net/
![مجموعه كبيرة من قصائد الشاعر احمد فؤاد نجم Empty](https://2img.net/i/empty.gif) | موضوع: مجموعه كبيرة من قصائد الشاعر احمد فؤاد نجم الأحد نوفمبر 27, 2011 12:55 pm | |
|
هل تحبون أحمد فؤاد نجم...؟؟
أحمد فؤاد نجم مواليد 22 من مايو 1928 [ندعوك للتسجيل في المنتدى أو التعريف بنفسك لمعاينة هذه الصورة] ابن محافظه الشرقيهأحد أهم شعراء العامية في مصر وأحد ثوار الكلمة واسم بارز في الفن والشعر العربي وبسبب ذلك سجن عدة مرات. يترافق اسم أحمد فؤاد نجم مع ملحن ومغن هو الشيح امام حيث تتلازم أشعار نجم مع غناء إمام لتعبر عن روح الاحتجاج الجماهيري الذي بدأبعد نكسه 1967احمد فؤاد نجم قال عنه الشاعر الفرنسيلويس أراجونان فيه قوة تسقط الأسوار ، وأسماه الدكتورعلى الراعي "الشاعر البندقية" في حين يسميه: أحد الحكام العرب وهو انور السادات "الشاعر البذيء". في عام2007 اختارته المجموعة العربية فيصندوق مكافحه الفقر التابع للامم المتحده سفيرا للفقراء.
التحالف
يعيش اهل بلدى وبينهم مفيش
تعارف
يخلى التحالف يعيش تعيش كل طايفه من التانيه خايفه
وتنزل ستاير بداير وشيش لكن فى الموالد يا شعبى يا خالد بنتلم صحبه
ونهتف يعيش
يعيش اهل بلدى يعيش النثقف على مقهى ريش يعيش يعيش يعيش محفلط مزفلط كتير الكلام عديم الممارسه عدو الزحام
بكام كلمه فاضيه وكام اصطلاح
يفبرك حلول المشاكل قوام يعيش المثقف
يعيش يعيش يعيش يعيش اهل بلدى يعيش التنابله فى حى الزمالك وحى الزمالك
مسالك مسالك
تحاول تفكر تهوب هنالك تودر حياتك
بلاش المهالك لذلك
اذا عزت توصف حياتهم تقول الجياه عندنا
مش كذلك
وممكن تشوفهم فى وسط المدينه
اذا مر جنبك
أتومبيل سفينه قفاهم عجينه
كروشهم سمينه جلودهم بتضوى دماغهم تخينه سنانهم مبارد تفوت فى الجليد
ما فيش سخن بارد
بيكلوا الحديد ما دام نهر وارد وجاى م الصعيد تزيد الموراد كروشهم تزيد
وتسمع وتسلم
بأن التنابله أو الأكلين
حيسمع كبيرهم ويعمل مقابله مع الفلاحين
ويحصل تحالف
ما بين الجميع ونملا المصارف بدم القطيع
أطيع الخليفه وأطيع والديك دا مفروض عليك تزرع وتبعت لحى الزمالك وحى الزمالك
مسالك مسالك
تحاول تفكر تهوب هنالك تودر حياتك بلاش المهالك لذلك
أذا حد جابلك سيرتهم تبسمل تكبر
وتهتف كذلك
يغيش التنابله يعيش يعيش يعيش يعيش اهل بلدى يعيش الغلابه فى طى النجوع نهارهم سحابه وليلهم دموع
سواعد هزيله
لكن فيها حيله تبدر تخضر جفاف الربوع مكن شغل كايرو ما يتعبش دايره لا ياكل
ولا حتى يقدر يجوع يا غلبان بلدنا يا فلاح ياصانع ياشحم السواقى يا فحم المصانع يا منتج
يا مبهج
يا آخر حلاوه يا هادى
يا راضى
يا عاقل
يا قانع
ما تتعبش عقلك فى شغل السياسه وشوف انت شغلك بهمه وحماسه
وعود عيالك فضيلة الرضا لأن احنا طبعا عبيد القضا
ورزقك ورزقى ورزق الكلاب
دا موضوع مؤجل ليوم الحساب
كمان الصحافه جتكتب فى حالتك وتنشر مناظر لخالك وحالتك وتتطلع يامسعد عليك الغناوى
وتسمع بأسمك
فى قلب القهاوى تحبك مشيره وبنات الجزيره وقصة غرامك
تشيع فى الرداوى يعيش عم مسعد يعيش يعيش يعيش
طلع الصباح
كلمات احمد فؤاد نجم
طلع الصباح كل الجمال في طلعته
والنور سرح كحل عينينا بفتنته
والطير صدح للمولى جلّت قدرته
الحان جميلة تنعش القلب الحزين
يسعد صباحكم كلكم ياشغالين
الشمس طالعة بابتسامة الاْمل
شعلة ياقوت زي الخدود وقت الخجل
بتقول يا نايم قوم بدا وقت العمل
دي الدنيا خيرها وعزّها للشقيانين
يسعد صباحكم كلكم يا شغالين
يا ولاد بلدنا من جنوبها لشرقها
يا مشمرين عن السواعد كلها
النور حضن بلادنا و ضمّها
والشمس هلّت بالامل ع الشقيانين
يسعد صباحكم كلكم يا شغالين
طلع الصباح كل الجمال في طلعته
والنور سرح كحل عينينا بفتنته
والطير صدح للمولى جلّت قدرته
الحان جميلة تنعش القلب الحزين
يسعد صباحكم كلكم يا شغالين اه يا زمن العجايب
احمد فؤاد نجم
اه يا زمن العجايب اه يازمن ماشى بالمقلوب عمرنا ما كنا حبايب في الاصيل مغلوب زهقنا من عيشه الزرايب قرفنا من اكل الطوب تعبنا من كونا ركايب احلم بيوم الراكب يبقى فيه مركوب ولا الحلم فيك غايب والحق فيه مسلوب ولا عايزلك تاشيره من نايب انسى لو هو ده المطلوب ليه اللى فوق سايب ولينا سالك كل دروب حس ياللى فى البرود دايب اوع تفكر انك فى يوم محبوب ولو صبحت عنتر فى يوم خايب انا عمرى ما هاكون شيبوب هو انت زمن خايب ولا انت زمن معيوب ارحل ارحل ارحل ده لو عاشك كان بالصبر كفر ايوب
حارتنا
احمد فؤاد نجم[center] _ حارتنا
_ مجاري وناموس
_ مرايه وفانوس
_ حجاره وكراسي
_ شباب ع النواصي
_ دقون ع الكروش
_ عرق ع القروش
_ شقوق في البيوت
_ بيوت في الشقوق
_ مساء تموت
_ صباحا تفوق
_ قديمه وغبيه
_ لبيبه وصبيه
_ في ضيق خرم ابره
_ في غوط المحيط
_ على الذل صابره
_ دا صبر الغويط
_ أسانس البلاده
_ معسكر ولاده
_ خسيسه وجبانه
_ جريحه ومهانه
_ ما تسمعش ندهه
_ رنين الدفوف
_ بتاكل ولادها
_ حتولد الوف
_ مادمنا ضعنا فيها
_ ضروري نلاقيها
... حارتنا في الحواري
على علم الصواري
لو قال فوقها
الكناري
تتهز المشربيه
ياحوش ادم
يادارنا
يا ساكن حضن جارنا
سيدنا الحسين تبارك
شهيد الانسانيه
مدد سيدنا وشهيدنا
ياقايل ومواعدنا
يكون عيدك
وعيدنا
يوم طلعة شمس جايه
...ياحاره جوا حاره
يا مجمع السهاري
من كل حي
حاره
في الحضره الادميه
مدد انس الحبايب
مدد حاضر وغايب
مدد زين الصحايب
ياساده يا موجيه
... فيك العيدان هزيله
شايله الحمول تقيله
ولا باليد حيله
ولا الايام هنيه
سيدنا الدردير يا بابا
مدد يابو الغلابه
فوق الحواري غابه
بتمص الادميه
... صبحك صبايا صاحيه
هاللين من كل ناحيه
مدد ياسيدي يحيى
توعدنا باللي هي
ياحارتنا
يام شيله
هزي الهلال
وهيلا
قدامك يوم وليله
ع الفرحه
والعيديه
قوم يا مصرى ...
احمد فؤاد نجم
قوم يا مصرى شوف اللى جرى مصرى قوم انهض وتعالى شوف اللى جرى وكفياك قهاوى ولعب وهزل ومسخرة فى ناس بتاكل سيمون فيميه وانت بتلحس فى الخرى الخلق وصلت للقمر وانت ليه بترجع ورا بلد ماسكها الوحوش وللخلايق كرباج ورا كبارها عايمين فى الفلوس وانت جيوبك مخرمة خرم هنا وخرم هنا وخرم تالت من ورا مسح جوخ علشان العيش والحالة مبقتش ميسرة الحق مستخبى فى جحوره والباطل بقى شمس منورة ومر الشكوى قطع لسانك ومر العيش خلاك مرة مش لاقى تاكل ورايح تجيبلى اتنين موبايل منظرة وطول مانت كدة سايب ده وده يعمل منك نأورة والنبى ولا مليون سنة تعدل حالتك المتأخرة
ابن البلد
احمد فؤاد نجم
عجبى عليك يا زمن فيك العجب الوان فيك ابن الحلال الجدع واللى مالوش امان فيك الولدابن البلد اللى على الحب اتولد واللى حياته انقسمت حبه فرح وكتير صبر وفيك اللئيم اللى سرق وعبا فلوس من غير عرق وناسى ناسه والبلد واخرته فى النارغرق تعيش لنا يا ابن البلد وتعيش لآهلك يا ولد
| |
|
mohammad karkotly مدير المنتدى
![mohammad karkotly](https://2img.net/u/1811/28/39/52/avatars/1-13.jpg)
عدد المساهمات : 1178 تاريخ التسجيل : 08/09/2011 العمر : 35 الموقع : المنتدى
![مجموعه كبيرة من قصائد الشاعر احمد فؤاد نجم Empty](https://2img.net/i/empty.gif) | موضوع: رد: مجموعه كبيرة من قصائد الشاعر احمد فؤاد نجم الأحد نوفمبر 27, 2011 9:28 pm | |
| أعتقد الكل بيحب الشاعر أحمد فؤاد نجم المميز في قصائده وطريقة الإلقاء الرائعة وأنا أحب السجع الجذَّاب الموجود في شعره
أجميل التحيات لك استاذ محمد على الموضوع الجميل جداً تقبل مروري وحبي ودمت بخير
| |
|
محمدالعابد عضو مميز
![محمدالعابد](https://2img.net/u/1811/28/39/52/avatars/23-62.jpg)
عدد المساهمات : 213 تاريخ التسجيل : 27/10/2011 العمر : 70 الموقع : http://kebar.arabfoot.net/
![مجموعه كبيرة من قصائد الشاعر احمد فؤاد نجم Empty](https://2img.net/i/empty.gif) | موضوع: رد: مجموعه كبيرة من قصائد الشاعر احمد فؤاد نجم الخميس ديسمبر 22, 2011 7:00 am | |
| - محمد كركوتلي كتب:
أعتقد الكل بيحب الشاعر أحمد فؤاد نجم المميز في قصائده وطريقة الإلقاء الرائعة وأنا أحب السجع الجذَّاب الموجود في شعره
أجميل التحيات لك استاذ محمد على الموضوع الجميل جداً تقبل مروري وحبي ودمت بخير
[ندعوك للتسجيل في المنتدى أو التعريف بنفسك لمعاينة هذا الرابط] جزاك الله خير أخي وأستاذي الكريم السيد/ محمدكركوتلي وبارك الله بحضرتك كم آسعدني نور مرور حضرتك بصفحتنا المتواضعه والتى زاد مرورك بهائها مشكور الذوق العالي والخلق النبيل لحضرتك
| |
|